{PUṞAM 125}
((Originally extracted from master file ^PURAM.OCP))
((Last updated on 2004 April 14th))
{PU 125-1} parutti peṇṭiṉ paṉuval aṉṉa
{PU 125-2} neruppu ciṉam taṇinta niṇam tayaṅku koḻum kuṟai
{PU 125-3} parūu kaḷ maṇṭaiyoṭu ūḻ māṟu peyara
{PU 125-4} uṇkum entai niṉ kāṇku vanticiṉ ē
{PU 125-5} naḷḷātār miṭal cāytta
{PU 125-6} vallāḷa niṉ makiḻ irukkai ē
{PU 125-7} uḻuta nōṉ pakaṭu aḻi tiṉṟāṅku
{PU 125-8} nal amiḻtu āka nī nayantu uṇṇum naṟavu ē
{PU 125-9} kuṉṟattu aṉṉa kaḷiṟu peyara
{PU 125-10} kaṭantu aṭṭu veṉṟōṉ um niṉ kūṟum ē
{PU 125-11} velīiyōṉ ivaṉ eṉa
{PU 125-12} kaḻal aṇi polinta cē aṭi nilam kavarpu
{PU 125-13} viraintu vantu camam tāṅkiya
{PU 125-14} val vēl malaiyaṉ allaṉ āyiṉ
{PU 125-15} nal amar kaṭattal eḷitu maṉ namakku eṉa
{PU 125-16} tōṟṟōṉ tāṉ um niṉ kūṟum ē
{PU 125-17} tolaiiyōṉ ivaṉ eṉa
{PU 125-18} oru nī āyiṉai peruma peru maḻaikku
{PU 125-19} irukkai cāṉṟa uyar malai
{PU 125-20} tiru taku cēey niṉ peṟṟiciṉōrkku ē